«Fikir» rubrikası, mahsus Qırım.Aqiqat içün
"Tarihnı yañıdan yazmaq" qabaatı Rusiye propagandasınıñ eñ sevimli usulıdır. Em Ğarpta, em Ukrayinada, em de Sovet birliginiñ diger sabıq memleketlerinde – er kes tarafından "tarih yañıdan yazıla". Tek bir Rusiye tarihnı asıl şekilde saqlay.
Aynı zamanda, üyken sınıflar içün memleket tarihı dersliginiñ yañı variantınıñ tanıtılmasına bağışlanğan matbuat konferentsiyası vaqıtnda sabıq medeniyet naziri, şimdi Rusiye prezidintiniñ yardımcısı Vladimir Medinskiy tarihnıñ yañıdan yazılması aqqında açıq şekilde bildirdi.
Vladimir Medinskiy
Bir kün qapağında Keriç köprü olğan bu kitap Medinskiy ve onıñ suç ortaqlarınıñ Rusiye Federatsiyasınıñ Ukrayinağa qarşı cinaiy tecavuzına yardım etmesi, komunist cinayetleriniñ ve Rusiyeniñ özünde Putin rejiminiñ totalitar insaniyetsiz arketleriniñ aqlanması ile suçlamasında isbatlardan biri olacaq, dep belleyim. Meraqlısı şu ki, belli bir yerden başlap "derslik" Rusiye tarihını ikâye etmekni toqtata. Onıñ müellifleri aman-aman bütün diqqatını başqa memleketniñ – Ukrayinanıñ tarihına ayıra.
Belli bir yerden başlap "derslik" Rusiye tarihını ikâye etmekni toqtata
Tam bu sebepten de qapağında Keriç köprü. Tam bu sebepten rusiye tarihı aqqındaki kitapnıñ soñki bölükleri arasında şöyle serlevalı bölükler: "Ukrayina neonatsizmi", "2014-te Ukrayinada devrim", "Qırımnıñ qaytarıluvı", "Donbasnıñ taqdiri", "Minsk añlaşmaları..", "Vaziyetniñ kerginleşmesi", "Mahsus arbiy operatsiya", "Yañı bölgeler", "Ukrayina neonatsist memleketi", "Mahsus arbiy operatsiya ve Rusiye cemiyeti"... Bütün bu vaqıt devamında Rusiyede neler oldı, dep sorarsıñız. Medinskiy ve onıñ müellifdeşi, MGİMO rektorı Anatoliy Torkunovanı ise bu ğaliba asla meraqlandırmay. Yüksek rutbeli propagandistler sadece tarihnı yañıdan yazmaylar, eminim ki, Rusiye ve o işğal etken Ukrayina topraqlarında kelecek nesillerni de buña celp etmege tırışalar.
"Miss Yunarmiya" yarışı, Tuva, Rusiye
Sovet Birliginiñ yoq olmasına artıq 30 yıldan çoqtır. Amma sovet tarih derslikleri vaqialarnı utanmazca sahteleştirmek ile, bütün canlılarğa qarşı propaganda ve nefret ile arada-sırada çoq yıl evelsi mektepni bitirgenlerniñ yaşayıqa baqışlarında özüni köstere. Adamlar büyügen soñ tarihiy adiselerge muracaat etmegen olsa (çoqusı ise yapmay) sovet tarihına inanmağa devam ete. Ve aynı zamanda da sovet mefküresinden kendini serbest duymağa devam eteler.
Bir kitaplarnıñ yalanı diger kitaplarnıñ aqiqatnı qarşı turacaq
Eminim ki, Medinskiyniñ kitabını da aynısı bekley. Sentâbrden başlap 2007 senesi doğğan Rusiye mektep talebeleri bu kitaplar boyunca ögrenip başlaycaqlar. Olarnıñ yaşdaşları ise sığınaqta oquycaqlar ve Qırımnıñ işğalini, Donbastaki cenkni, 2022 senesi Rusiyeniñ başlataqan büyük cenkini ögrenecekler. Bir kitaplarnıñ yalanı diger kitaplarnıñ aqiqatına qarşı turacaq.
Rusiye ve Ukrayina cemiyeti arasında kelecek uzun müddetli qarşı turmaqnıñ temeli böylece qoyula. Medinskiyniñ dersligi, menimce, öz rolüni oynacaq: cenk bitecek, nefret ise ruslarnıñ ve ukrayinalerniñ yañı nesilleri aynı tarihnı ögrenip başlağance uzun bir süre devam etecek. Tam bu sebepten, kelecekteki cenklerniñ ve çatışmalarnıñ temelini qoyğan, qomşu memleketlerniñ sakinleriniñ kelecek nesillerini ölümge, azapqa mahküm etken kitap, eminim ki, asıl ahlâqsızlıq derligidir.
Vitaliy Portnikov – jurnalist ve siyasiy izaatçı, Azatlıq Radiosı ve Qırım.Aqiqat müellifi
«Fikir» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün
MALÜMAT: Ukrayinağa qarşı Rusiye silâlı ücümi 2022 senesi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.
Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.
Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.