Qırımtatarlar örnegi (video)

TUĞRA videoblogınıñ yañı levhası qırımtatar örnegine bağışlana. Qırımtatar örneginiñ tili tekrarlanmaz ve çoq manalıdır. O, Qırımda yaşağan er bir etnosnıñ hususiyetlerini içine alıp, asırlar devamında şekillenip keldi. Er bir quvurçıq tarzındaki sızıq, er bir yapraçıqnıñ öz manası bar. İslâmda insanlar ve ayvanlarnı tasvir etmek yasaq. Tamam bu sebepten örnek, içinde istekler, arzular, duyğularnıñ ifadelenmesi ve amayıllar şifrelengen özüne has bir şifr oldı. Güzel örneklernen eñ çoq kiyimler, ev donatılmasınıñ eşyaları, savutlar ve bir çoq diger şeylerni bezete ediler.