Qırımğa yol. Dünya qırımtatarlarğa nasıl qol tuta (video)

Qırımda matem künü. 1944 senesinde yarımadadan Orta Asiyağa türlü qıymet kesümlerge köre, 200 biñ qadar qırımtatar sürgün etildi. Olarnıñ qararnen yarısı elâk oldı. Mayıs 18-de Qırımnıñ türlü şeerlerinde sürgün etüv qurbanlarınıñ hatıraları ürmet ile añıldı. Qırımtatarlarnıñ facialı tarihı tekrarlana. Şimdi Qırımda halq Rusiye ukümetiniñ repressiyalarından azap çeke. Bunı olar özleri ayta. Qırımtatarlarğa ait aqlarnıñ bozulğanına diqqatnı celp etmek içün Türkiyedeki diaspora «Qırımğa yol» tedbirini başladı. Bütün dünyada qırımtatarlar bez parçalarını nağışlaylar. Ondan soñ olarnıñ episini bir büyük qumaş etip bir-birne tikip, onı Qırım ile memuriy sıñırğa alıp barğan yolğa töşecekler. Ankara, İstanbul, Herson vilâyeti ve Qırımdan qırımtatarlarınıñ ayat ikâyelerini Qırım.Aqiqatnıñ materialında baqıñız.