Asan Sabri Ayvazovnıñ doğğanına 140 yıl | Tuğra (video)

Leyhanıñ yañı bölügini yazıcı, publitsist ve cemiyet erbabı Asan Sabri Ayvazovğa bağışlaymız. Qırımtatar tarihınıñ eñ parlaq simalarından biri 1878 senesi mayıs 6-da doğdı. O, tamam 50 yıl yaşadı. İstidatlı yazıcı, progressiv oca ve gazetanıñ baş muarriri edi. Teessüf ki, Ayvasovnıñ mahsuldar ayatı facialı surette kesildi – onı NKVD hadimleri qurşunğa tizdi. 37-nci yılda Ayvazov yaqalandı ve casuslıqta qabaatlandı, yarım yıldan soñ ise mal-mülküniñ mucaderesi ile qurşun cezasına mahküm etildi. Yalıñız 22 yıl keçken soñ SSCB Yuqarı Mahkemesiniñ Tayin etilüvi boyunca Asan Sabri Ayvazov qabaatsız tanıldı.