«Akis» – Qırımdan sürgün etilmesini başından keçirgen hanımnıñ kitabı (video)

Bu yıl 90 yıllıq yubileyini qayd etken qırımtatar milliy areketiniñ veteranı Nuriye Biyazova 1944 senesinde qırımtatar halqınıñ sürgün etilmesi aqqında avtobiografik kitap çıqardı. Kitapnıñ adı «Akis» ve tirajı 200 nusha. Kitapnıñ muellifi: «Sürgünlikten qaytqanımıznen, bu kitapnı yazmağa qarar berdim. Bu, şahsiy hatıralarıma esaslanğan büyük bir tarihiy material. Men nesillerimizniñ, sürgünlikte qırımtatarlarnıñ başına kelgen bütün sınavlar aqqında bilmelerini, aqılğa sığmağan yoqsulluq ve halqımız bergen qurbanlar aqqında hatırlamalarını isteyim», – dep ikâye etti.