«Aqım ile ketemiz»: qırımtatarlar, «Fevral 26 işi» boyunca mahkeme ukümini bekleyler (video)

Aqmescitteki Aqmescit rayon mahkemesi aprel 23-te Qırımda eñ uzun sürgen siyasiy dava – «Fevral 23 işi» boyunca munaqaşalarğa keçmek kerek edi. Bunıñ yerine akem Sergey Demenok bu işniñ figurantları Mustafa Degermenci ve Ali Asanovğa ev apisi muddetini daa eki ayğa, iyül 7-ge qadar uzattı. Olarğa qol tutmaq içün onlarca yurtdaşları keldi. Yarın, aprel 24-te mahkemeniñ, ne de olsa, munaqaşalarğa keçecegi beklenile. 2014 senesi fevral 26-da Qırım Yuqarı Radası binasınıñ divarları yanında Ukrainanıñ topraq bütünligine qol tutmaq maqsadınen yapılğan mitingde iştirak etkenleri içün bir gruppa qırımtatar faaliyetçilerine qarşı mahkeme 2015 senesinde başlandı. Faaliyetçiler kütleviy qarışıqlıqlarda iştirak etkenlerinde qabaatlana.