Tikenli telniñ eki tarafında bekleme (video)

«Hizb ut-Tahrir işi»ndeki «Yalta grubu»nıñ aqrabaları mahkeme oturışuvı esnasında. Olar, zalğa yiberilmeyceklerini, aqayları ve babalarını, seyir etkenlerden çetke burulğan video-alâqa ekranlarında bile köremeyceklerini (teşkilât yalıñız Rusiyede terroristik olaraq tanılğan, Ukrainada o, açıq ve qanunğa muvafıq şekilde arekette buluna – QA) bilip, kene de Qırım Garnizon mahkemesi yanına keleler. Oturışuv açıq olaraq ilân etildi. O, Rostovdaki Şimaliy Kavkaz arbiy okrugı mahkemesinde keçe. Akem olarğa: «O açıq. Mında. Onda bulunmaq isteseñiz, Rostovğa keliñiz», – dedi. Aqmescitte ise olarnı mahkeme binasına bile yibermeyler. Olar balalarınen beraber tışarıda bekleyler. Olarğa yaqın bir yerde ayrı grup olaraq erkekler tura. Oturışuvdan soñ advokatlar çıqa, olarnen beraber tura ve esabat bereler. Ve mahkeme yanında toplanğan bütün bu adamlar içün bu, muhakeme etilgenlerge köre daa az derecede müim degil kibi körüne. Olar böyle etip özleriniñ alâqadar olğanlarını is ete. Olar bir-birine baqa, kimerde bir şaqalaşa ve küle, ve öz başına olmağanlarını añlaylar. İnsanlarnıñ etnik ve diniy birleşmesi bu yerde daa mıqyaslı bir şeyge, dertlerniñ birleşmesine çevirildi.