«Büyreklerimni urup ezdiler»: İsmail Ramazanovnı yaqalav tafsilâtları (video)

Mahkeme oturışuvı esnasında Aqmescit rayonınıñ Novıy Mir köyünde tintüvden soñ yaqalanğan qırımtatar İsmail Ramazanov Rusiye FSBsiniñ Qırım boyunca idaresiniñ hadimleri tarafından dögülgenini bildirdi. İsmailniñ babası Seyitnebi Ramazanov oğlunıñ yaqalanuvı aqqında tafsilâtlarnı bildirdi. İsmail Ramazanovnı milletlerara zıddiyet ve dinlerara nefretni qozğatqan malümatlarnıñ darqatılmasında qabaatlaylar. Rusiye telükesizlik hadimleriniñ versiyasına köre, o, Zello internet-radiosı vastasınen malümatnı kenişlete edi.