Qırımda Han sarayı: restavratsiya deye mahv etüv (video)

Dünya ve Ukraina misilsiz abideni ğayıp eteler. Qırımda Han sarayı viran etile. Bu, qırımtatarlarnıñ dünyada yekâne olğan hanlarğa ait saray mimarisiniñ örnegidir. Büyük Han camisiniñ üç yüz yıllıq kerişleri endi yoq etildi, tarihiy divar örnekleri zarar köre. Bütün bular, restavratsiya manaçığı ile, restavratsiya işlerinde tecribesi olmağan bir şirket tarafından yapıla. Mutehassıslar bu areketlerge cinayet deyler. Saraynıñ şimdiki körünişini Qırım.Aqiqat teleleyhasınıñ muhbirleri tarafından azırlanğan süjette baqıñız.