Ukrayina Silâlı quvetleriniñ mahsus ameliyatlar quvetleriniñ komandanlığı, İlk yaznıñ 9-nda "Deep Strike" bölükleri Rusiye Federatsiyasınıñ gaz kondensat sanayısınıñ eki devini - Novourengoyskiy ve Purovskiy zavodlarını muvafaqiyetnen urdı, dep tasdıqladı.
"Eki müessise de Rusiye Federatsiyasınıñ esas neft ve gaz çıqarğan regionlarından biri olğan Yamal-Nenetsk avtonom okrugında yerleşe. SSO dronları nişanğa qadar 3000 kilometrden çoq yol keçti. Bugünge qadar bu, istilâcı içün telükesiz bir tış meydanı sayıla edi", — dep aytıla içtimaiy ağlarda derc etilgen beyanatta.
SSO-da qoşalar ki, bu müessiseler gaz kondensat sanayısı içün pek müim olalar: olar Yamal yatağından çıqarılğan gaz kondensatınıñ büyük miqdarınıñ azırlanuvını ve işlenüvini temin ete.
Gaz kondensat sanayısı Rusiye iqtisadiyatınıñ müim qısmı ola ve istilâcı devlet bücetiniñ kelirini şekillendire, dep qayd eteler ZSU-da.