ABD Devlet departamentiniñ Ukrayina meselelerinden sabıq mahsus temsilcisi Kurt Volkerniñ fikrince uzaq menzilli raketalar ve F-16 Ukrayinağa Qırımnı azat etmege yardım etecek. Böyle fikirni o "QırımSOS" uquq qoruyıcı teşkilâtınıñ talilcisi Yevgen Yaroşenkonıñ sualine cevap berir eken bildirdi.
"Vaqıt kelecek ve biz uzaq menzilli arbiy yedeklerni berecekmiz dep belleyim, F-16 qırıcı uçaqları ise kelecek seneniñ başında olmaq kerek. Bu eki şey Qırımnıñ Rusiye tarafından köpür vastasınen maddiy ve tehnikiy teminatından ayırmağa vaqıt kelgende müim olacaq. Ve bu kerçek deñişmelerniñ bir başlanğıçı olacaq dep belleyim", - dep bildirdi Volker.
Qırımda Rusiye Federatsiyasınıñ arbiyleri Ukrayınanıñ qarşı ücümi vaziyetinde qullana bilecek farqlı stsenariylerni baqa, olardan biri – yarımadadan çekilüvdir. Bu aqta Ukrayına Mudafaa nazirligi Baş istihbarat idaresiniñ vekili Andriy Yusov Azatlıq Radiosı yayınında ayttı.
Ukrayına prezidenti Volodımır Zelenskıy ücüm bir «Gollivud filmi» degil, çünki «insanlarnıñ ayatı bar», dep qayd etti. Ukrayına Silâlı quvetleriniñ baş komandanı Valeriy Zalujnıy Ukrayınanıñ qarşı ücümi «beklengenden daa yavaş» kete degen sözler onı «açuvlandıra» dep bildirdi ve Ukrayınanıñ azat etilgen er bir metri «qannen berile», dep qoştı.
ABD ştabları yolbaşçılarınıñ birleşken komitet yolbaşçısı general Mark Milli Ukrayına Silâlı quvetleriniñ qarşı ücümi «kesen-kes ileriley», amma devamlı ve «pek qanlı» olacaq, dep ayttı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.