UNESCO «Örnek» qırımtatar örnegini insanlıqnıñ medeniy mirasınıñ kösterüv cedveline kirsetti. Bunı teşkilâtnıñ matbuat hızmeti haber etmekte.
UNESCO-da qayd etildi ki, «Örnek» - bugünde-bugün tikme, toqumacılıq, çölmekçilik, oyma, quyumcılıq, ağaç oyma, cam ve divar resimlerinde qullanılğan ukrain simvolları ve olarnıñ manaları sistemasıdır.
🔴 BREAKINGNew inscription on the #IntangibleHeritage list: Ornek, a Crimean Tatar ornament and knowledge about it. Congratulations #Ukraine 🇺🇦! 👏 ℹ️https://t.co/v0gmoI26ok #LivingHeritage pic.twitter.com/wsQA9VsWc3
— UNESCO 🏛️ #Education #Sciences #Culture 🇺🇳😷 (@UNESCO) December 16, 2021
«Qarar Ukrainanıñ tamır qırımtatar halqı içün pek müimdir, çünki qırımtatarlarnıñ identikligini, hususan işğal etilgen Qırımda qorçalamağa yardım etecek», – Ukraina TİN yolbaşçısınıñ birinci muavini Emine Ceppar UNESCO-nıñ qararını tefsir etti.
It was great honour to speak at Intergovernmental Committee for Safeguarding of Intangible Cultural Heritage following decision to include🇺🇦dossier“Örnek – the Crimean Tatar ornament&knowledge about it” in @UNESCO Representative List of Intangible Cultural Heritage of Humanity1/2 pic.twitter.com/RMTefecsVE
— Emine Dzheppar (@EmineDzheppar) December 16, 2021
Ukraina TİN yolbaşçısı Dmıtro Kuleba UNESCO-nıñ qararına «kerçekten müim vaqia» dedi.
«Ukraina Qırımnıñ tamır halqınıñ özgün medeniyeti insanlıqnıñ serveti kibi tanıldı. Ğayrı maddiy medeniy mirasnıñ cedveline Ukrainanıñ medeniy servetleri kelecekte qoşulmağa devam etecegine inanam», – dep yazdı Kuleba.
2018 senesi Ukraina Medeniyet nazirligi qırımtatar örnegini medeniy miras cedveline kirsetti. Medeniyet nazirliginde, qırımtatar örnegi ve onıñ elementleri bezekler olaraq esas itibarı ile nağışta, urbada, ayaqqaplarda, baş kiyimlerinde, türlü aksessuarlar çeşitlerinde, quyumcılıq eserlerinde ve turmuş eşyaları: keramik ve maden savutlar, ağaç eşyalar, ev eşyaları, mebel bezetilmeleri ve kilim töşemelerinde qullanılalar. O, muim bir özüni tanıma elementi, er bir qırımtatar qorantasınıñ ayatındaki ayırılmaz bir parçadır.