Azatlıq Radiosınıñ "Shemı" leyhası iyün 10-na keçken gecesi ukrayin ordusı tarafından ücüm etilgen Canköy civarındaki arbiy obyektniñ uydu resimlerini derc etti.
Uydu resimleriniñ keyfiyeti zarar körgen tehnikanıñ çeşitini tam olaraq belgilemek imkân bermey. Lâkin diger tarihlardaki fotoresimlerniñ talili, arbiy obyekt 2024 senesi mayıs ayında peyda oldı, soñra onıñ etrafında qale qurulışları quruldı, dep aytmaq imkân bere.
Ukrayina Arbiy quvetleriniñ Baş ştabında daa evel, ukrain arbiyleri Rusiyeniñ S-400 zenit raketa divizionını urdı, dep bildirgen ediler.
Arbiy ekspert Anatoliy Hrapçinskiyniñ fikrine köre, ücümniñ maqsadı, hususan, S-300 ve S-400 ile beraber qullanılğan "Podlöt" rusiyeli radar sisteması ola bile.
Arbiy ekspert Mihail Jirohovnıñ fikrine köre, bu yerde RLSni yerleştirmek mantıqsız edi, demek ki, bu başqa arbiy obyekt ola bile.
Baş ştabnıñ bildirgenine köre, Ukrayina ordusı Qara deñiz ve Kezlev civarında yerleşken eki S-300 zenit raketa divizionına da ücüm etti. Bu iddialarnı uydurma resimlerden tasdıqlap olamaylar.
Rusiye Mudafaa nazirligi raketa darbesini izaatlamadı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.