Ukrayinada Rusiyeniñ silâlı tecavuzı neticesinde yüvenal prokurorlarnıñ resmiy malümatına köre, elâk olğan balalarnıñ sayısı 559 oldı.
Ukraina baş prokurorınıñ ofisi bildirgenine köre, daa 1449 bala farqlı derecede ağır yaralanğan.
Müessiseniñ malümatına köre, iyül 8-de Kıyivge Rusiye silâsınıñ endirilgen raketa darbesinde 4 bala elâk oldı: 8 ve 14 yaşında eki qız, 8 ve 10 yaşında eki oğlan. 2 yaşından 17 yaşına qadar 10 bala yaralandı.
Rusiye tarafından açılğan ateş neticesinde Donetsk vilâyetiniñ Novoekonomisk qasabasında 16 yaşında bir genç, Mıkolayiv vilâyetiniñ Oçakovsk qasabasında ise 5 yaşında bir qız yaralandı.
Rusiye orduları mayısnıñ 8-nde saba Ukrayinağa raketa darbelerini endirdiler. Hususan, Kıyiv, Dnipro, Krıvıy Riğ ve Donbas boyunca. Ukrayina mudafaa quvetleri 38 Rusiye raketasınıñ 30-nı urıp tüşürdi, dep bildirdi Ava quvetleri.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.