Ukrayina Nazirler kabineti qırımtatar tiliniñ inkişafına qoşulğan isse içün mukâfat berilmesi aqqında qararnı qabul etti, dep haber ete Vaqtınca işğal etilgen topraqlarnıñ reintegratsiya meseleleri nazirligi.
Söz, Ukrayina Nazirler Kabinetiniñ ''Qırımtatar tiliniñ inkişafına qoşulğam isse içün mukâfat aqqında'' qararı aqqında kete.
Mukâfat qırımtatar tiliniñ inkişafı ve populârlaşmasına yardım etken insanlarğa berilecek.
Qayd etilgenine köre, er yıl 50 biñ grivna miqdarında 20 mukâfat berilecek.
Bundan evel qırımtatar asıllı ukrayin yırcısı Jamala 2024 senesi Taras Şevçenko adına Milliy mukâfatınıñ laureatı oldı. Yırcı Qırım folklor albomı içün mukâfatqa nail oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.