Ukrayina Tış işler nazirligi Ukrayin institutınen beraberlikte dünyada ukrayin ve qırımtatar tillerini populârlaştıruv Hvilâ/ Dalğa mukâfatını tesis etti, dep bildirdi Ukrayina Tış işler naziri Andriy Sıbiğa.
"Mukâfat tillerniñ ögretüvi ve populârlaştırmasına büyük isse qoşqan ocalar, alimler ve medeniy erbaplarğa berecekmiz. Bu mukâfat bizim içün ukrain ve qırımtatar tilleriniñ Ukrayina medeniy diplomatiyasınıñ ayırılmaz qısmı olaraq, dünyada milliy menfaatlarnı ileriletmek ve milliy havfsızlıqnı pekitmek içün hızmet etkenini qayd etmek içün bir imkandır. Faallerni 2025 senesi ilk küz ayınıñ 10-na qadar namzet köstermege çağıramız", — dep yazdı Sıbiğa Facebook saifesinde.
Mukâfatqa namzetlerni ukrayin ve çetel medeniy institutları, ögretüv merkezleri, ilmiy merkezler, Ukrayinanıñ çetel diplomatik müessiseleri, diaspora teşkilâtları ve jüri azaları teklif ete bile.
Mukâfatnıñ ğalipleri Ukraнina institutınıñ yardımınen para mukâfatları ve çalışmaq ve öz faaliyetini ileriletmek içün yañı imkânlar alacaqlar.
Birinci laureatlarnı mukâfatlav merasimi 2025 senesi orta küz ayınıñ başında olacaq.