Mında qayd etile ki, "Rusiye raketaları ve mermileri bir çoq camini ve ibadethaneni viran etti".
Temsilcilikniñ malümatına köre, Ukrayinada aman-aman 2 million musulman yaşay ve 300-den ziyade cami ve ibadethanes, 90 musulman bazar mektebi ve 7 aliy oquv yurtu bar.
Ukrayina prezidentiniñ Qırım Muhtar Cumhuriyetindeki temsilciligi, Ukrayina Silâlı quvetleriniñ er dörtünci batalyonında musulmanlar hızmet etkenini bildirdi.
"Ukrayina musulmanları bayram [iyün 16-da başlağan Qurban bayramı] sirena ve patlavlar altında, okop ve bindenjalarda soñki bayram olsun dep dua eteler. Olar dünyanı adalet içün küreşte qol tutmağa çağıralar", — dep qayd ettiler Ukrayina prezidentiniñ QMC-deki temsilciliginde.
Bu sene iyünniñ 16-nda dünya musulmanları İslâmnıñ esas bayramı — Qurban bayramını qayd ete. Bu musulmanlarnıñ eñ büyük bayramlarından biridir, Hacnıñ, Mekkege acılığınıñ yekünlengenini qayd ete. Oraza bayramından 70 kün soñ qayd etile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.