Ukrayina pilotsız sistemaları quvetleriniñ komandanı Robert Brovdi Novofedorovkadaki Rusiyeniñ "Pantsir-S1" zenit-raketa top kompleksine endirilgen darbe aqqında esabat berdi. Ve bundan evel Ukrayina silâlı quvetleriniñ Baş ştabı haber etken Kefe rayonında CT-68 radarına ücümniñ videosını kösterdi.
Rusiye arbiyleri bu haberni ve Qırımğa endirilgen dron ücüminiñ aqibetlerini izaatlamadı. Cenk şaraitinde derc etilgen videonıñ doğrulığını teşkermek qıyın.
Bir kün evels Qırım ve Aqyarda gece ve saba patlav ve atışlar eşitildi, gece yarısından soñ pilotsız telüke ilân etildi, dep haber etilgen edi.
Hususan, "Krımskiy veter" telegram kanalınıñ haber etkenine köre, Kefede gece saat birlerde dronlar uçqanı, ateş açılğanı ve dört patlav eşitildi.
2022 senesinden başlap Qırım yarımadasınıñ territoriyasına aman-aman er kün pilotsız uçaq ve raketalar ücüm ete. Çoqusı allarda Rusiye Mudafaa nazirligi ya da Rusiye akimiyeti, bu malümatnı tasdıqlasa bile, arbiy obyektlerge zarar ketirilgenini tasdıqlamay.