Pilotsız sistemalar quvetleriniñ komandanı Robert Brovdi (Madâr), gece Aqyarnıñ elektrik stansiyasına yedi kere ücüm etildi, dep bildirdi. Bu aqta o, içtimaiy ağlardaki saifelerinde haber etti.
"İlk yaznıñ 24-nde gece Balıqlava TES-iniñ energiyasını dağıtqan Aqyarnıñ baş elektrik stansiyası yarıqsız qaldı. Kino olmaycaq, yarıq ise çoq olmay eken. Pilotsız Sistemler Quvetleri Merkeziniñ 1-inci Quşları yañı qurulğan SBS teren zararlav Merkeziniñ koordinasiyası boyunca çalıştılar. Ve doğru raqam yedi. Tamam anda — yedi", — dep yazdı Brovdi.
O, ücümniñ foto ya da videolarını daa köstermedi.
Aqyarğa ücüm etilgen soñ İlk yaznıñ 24-nde saba Aqyar yarıqsız qaldı. Rusiye kontrolindeki şeer yolbaşçısı Mihail Razvojayevniñ bildirgenine köre, şeerniñ bir qısmı elektriknen temin etildi, amma Lenin ve Gagarin rayonlarında "qıyın vaziyet" qala.