İyünniñ 25-nden başlap «Suspilne Krım» yayınında «Qırımca aytqanda» («Po-krımskı kajuçı») tasil leyhası olacaq.
İlânğa köre, yayın seyircilerini Qırımnen Ukrayınanıñ tamır halqı olğan qırımtatarlarnıñ tili vastasınen tanıştıracaqlar.
Leyha alıp barıcıları jurnalist, Yaponiya elçihanesiniñ Ukrayınadaki sabıq attaşesi Hirano Takaşi, muarrir Yevgeniya Öpekunova ve Unitour leyhasınıñ reberi Müslim Umerov oldı.
«Seyirciler çeşit vaziyetler içün qırımtatar tiliniñ temellerini ögrene bile: musafirlikte, körüşüvde, qoranta subetlerinde, bazarda, 10-ğa qadar saymağa ve il», – dep aytıla haberde.
Birinci video bağlantı vastasınen açıla bile.
Hatırlatamız, iyünniñ 20-nden iyülniñ 20-ne qadar Ukrayınada Vikipediya online entsiklopediyasınıñ qırımtatar versiyası içün maqale yazuv marafonı keçe.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.