Ukrayina Silâlı quvetleriniñ Baş ştabı bildire ki, İlk yaznıñ 10-na keçer gecesi Ukrayin quvetleri Mahaçkaladaki (Dagıstan Cumhuriyeti, RF) deñiz ticaret limanına ücüm etti.
Obyekt territoriyasında yanğın qayd etildi. Zararnıñ miqdarı aqqında haberde alına.
Baş ştabta qayd ettiler ki, bu obyekt Rusiyeniñ Hazar deñizindeki yekâne buzlamağan ve teren suv limanı ve müim naqliyat-logistika noqtası ola. O, ğarbiy sanksiyalardan qurtulmaq içün Hazar deñizi üzerinden Rusiye Federatsiyası-İran logistika koridorında müim rol oynay.
Baş ştabda bildirdiler ki, Mahaçkaladaki liman vastasınen "eki tarafqa arbiy qullanuv teminlevi yapıla: İrandan Rusiyege "Şahed" tipindeki BPLA parçaları, Rusiye Federatsiyasından İranğa "patlayıcı maddeler, uçucısız uçaq parçaları ve silâ" ketirile.
Rusiye tarafı bu ücümler aqqında haber etmey ve cenkteki ğayıplarnı izaatlamay.
2022 senesinden başlap Qırım yarımadasınıñ territoriyasına aman-aman er kün pilotsız uçaq ve raketalar ücüm ete. Çoqusı allarda Rusiye Mudafaa nazirligi ya da Rusiye akimiyeti, bu malümatnı tasdıqlasa bile, arbiy obyektlerge zarar ketirilgenini tasdıqlamay.