Ukrayina Silâlı quvetleriniñ Baş ştabı Keriç köprüne yapılğan ücümni tasdıqlap, Lissabondaki köpürni Avropada eñ uzun köpür dep adlandırdı

Keriç köprüniñ yıqılğan qısmı

Ukrayina Silâlı quvetleriniñ Baş ştabı Boşnıñ 19-nda işğal etilgen Qırımnı Rusiye ile bağlağan Keriç köprüne ücüm etkenini tasdıqlap, Lissabonda Vasko da Gama köprüni Avropanıñ eñ uzunı olaraq tebrikledi.

"Ukrayina Silâlı quvetleri Vasko da Gama (Lisbon) köprüni Avropanıñ eñ uzun köprü unvanı ile hayırlay!" — dep aytıla Ukraina Silâlı Quvetleri Baş ştabınıñ beyanatında.

2018 senesi Keriç köprüniñ açılmasına qadar Avropada eñ uzun köpür Portugaliyadaki Vasko da Gama köprü sayıla edi, onıñ uzunlığı 17,2 kilometr. Rusiye qurğan Keriç köprüniñ uzunlığı tahminen 19 kilometrdir. Böylece, Ukrayin Baş ştabınıñ beyanatı Keriç köprüniñ yıqılması aqqında haberlerniñ tasdıqlanmasına işaret oldı.

Bundan evel Boşnıñ 19-na keçer gecesi Keriç köprüne daa bir ücüm endirilgeni aqqında haber berildi. Keriç civarında bir qaç patlav eşitildi, şaatlar köpürniñ demiryol qısmına uruluvlar aqqında haber ettiler. Bu zararnıñ tasdıqı daa yoq.

Rusiye tarafından tayinlengen Qırım başı Sergey Aksönov daa bir ücümni tasdıqladı ve yol yürüşiniñ vaqtınca qapatılğanı aqqında haber etti.

Soñki bir qaç kün içinde bu Keriç köprüne endirilgen üçünci ücümdir.