Saban ayınıñ 30-na keçer gecesi Rusiye arbiyleri Ukrayinağa Qırımdan "İskander-M" ballistik raketaları ve Qırım yarımadasındaki Sarabuz qasabası ve Çauda burnundan atılğan 164 dron ile ücüm etti, dep bildirdi Ukrayina Arbiy-ava quvetleri.
"Saat 08:30-ta berilgen malümatqa köre, ava mudafaası tarafından 150 duşman pilotsıs uçağı urulıp tüşürilgen/bastırılğan", — denile beyanatta.
Ukrayina Silâlı quvetleriniñ Ava quvetleriniñ malümatına köre, yedi yerde ballistik raketa ve 12 uçuşsız uçaq urulğanı, eki yerde ise parçalar tüşkeni qayd etildi.
Rusiye Mudafaa nazirligi ücümni şimdilik izaatlamadı.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.