Ukrayina arbiyleri Herson vilâyetinde Rusiyeniñ 6 dane arbiy yedekler anbarını yoq etti. Bunıñ aqqında Ukrayina Mudafaa nazirliginiñ "Cenüp" operativ komandanlığı haber etti.
"Herson, Berislav ve Kahovka rayonlarında komandanlıq ve komandanlıq közetüv noqtasınıñ, altı dane arbiy yedekler anbarınıñ yoq etilüvi tasdıqlana", - dep yazıla bildirmede.
Ukrayina arbiyleriniñ malümatına köre, Ukrayina Silâlı Quvetleri bu bölgedeki Rusiye ordusına avadan 10 darbe endirgen.
"Raketa ve top bölüklerimiz 200-den çoq ateş vazifesini yerine ketirdi, bunıñ neticesinde duşman ordusı 111 askerini, "Msta-B" gaubitsasını, 2 "Nona-S" özüyürer top techizatını, "Eleron" pilotsız uçaqnı, zırhlı ve diger avtombil tehnikasını ğayıp etti", - dep qayd etile bildirmede.
Evel Ukrayina Mudafaa nazirliginiñ "Cenüp" operativ komandanlığı memleketniñ cenübindeki Ukrayina ordusınıñ "belli bir muvafaqiyetleri" aqqında haber etken edi.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz