Rusiye arbiyleri sentâbrniñ 21-ne keçer gecesi Ukrayinağa 172 darbe uçucısızınen ücüm etti, hususan 64 Shahed reaktiv dronı, "Parodiya" taqlit uçucısızları ve "Banderol"/"Dan-T" uçucısızlarınen ve Rusiye işğal etken Qırımda Sarabuz qasabasından, dep haber etti Ukrayina Silâlı quvetleriniñ Ava küçleri.
"İlk malümatqa köre, saat 08:00-ge qadar ava mudafaası Shahed, Gerber, diger dronlar ve 1 "Banderol"/"Dan-T" 147 duşman dronını urdı/bastırdı", – dep aytıla haberde.
Arbiylerniñ malümatına köre, 14 yerde ava ücüm vastalarınıñ darbeleri ve dört yerde parçalar tüşkeni qayd etildi".
"Ücüm devam ete, ava boşluğında duşman uçucısızları bar", – dep tenbiledi Ava küçleri.
Rusiye arbiyleri Ukrayina regionlarına muntazam sürette ücüm ete, çeşit silâ qullana – uçucısız, raketa, KAB, reaktik toplu atış sistemaları.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tasnif ete ve olarnıñ maqsadı bar, dep qayd ete.
İnsanlarnı elektrik energiyası, sıcaq, su, bağ, tibbiy yardım ve yaşayış içün diger kerekli şaraitlersiz qaldırmaq içün eali yaşayışını teminlev sistemaları ve sağlıq müessiselerine qarşı ateşler genotsid areketleriniñ alâmetlerini taşıy.
Rusiye reberligi Rusiye ordusı büyük cenk vaqtında Ukrayinanıñ şeer ve köylerinde vatandaş infrastrukturasına qarşı darbe endirgenini, vatandaşlarnı öldürgenini ve hastahane, mektep, bala bağçaları, energetika ve suv obyektlerini yıqqanını inkâr ete.