Martnıñ 24-ne keçer gecesi Rusiye arbiyleri darbe dronları ve ava ve yer üstü raketalarını qullanıp, Ukrayinanıñ kritik infrastruktura obyektlerine darbe endirdi, dep haber etti Ukrayina Silâlı quvetleriniñ Ava küçleri. Dronlarnıñ bir qısmı işğal etilgen Qırımnıñ Sarabuz qasabasından uçurıldı.
"Umumen Ava küçleriniñ radiotehnik ordusı 426 ava ücüm vastasını qayd etti:
– yedi "İskander-M/S-400" ballistik raketası;
– 18 X-101 qanatlı raketası;
– beş "İskander-K" qanatlı raketası;
– dört H-59/69/31 idare etilgen aviatsiya raketası;
– Shahed, Gerber, Italmas ve diger uçucısızlar olğan 392 darbe uçucısızı, 250-si – "Şahedler", – dep aytıla haberde.
Ukrayina arbiyleri saat 09:00-ğa qadar 390 nişan zararsız alğan ketirildi – 25 raketa ve 365 farqlı uçucısız.
Olarnıñ arasında
– 18 X-101 qanatlı raketası;
– "İskander-K" beş qanatlı raketası;
– X-59/69 eki idare etilgen aviatsiya raketası;
– 365 farqlı uçucısız.
"22 yerde altı raketa ve 27 darbe uçucısızınıñ ücümi, 10 yerde tüşürilgen uçucısızlarnıñ parçaları qayd etildi. Üç duşman raketası aqqında malümat alına", – dep qayd ete Ukrayina Silâlı Quvetleriniñ Ava küçleri ve ücüm devam ete, "avada bir qaç duşman uçucısızı bar", dep qoşa.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.