Ukrayina Uçucısız sistemalarınıñ küçleri işğal etilgen Qırımnıñ şimalinde “Brom” himiyeviy zavodına ve Or Qapıdaki ast stantsiyağa darbeler endirdi, dep bildirdi USK komandanı Robert Brovdi (“Madyar”).
Noyabrniñ 23-nde aqşam içtimaiy ağlarda paylaşqanlarında qayd etkenine köre, “işğal etilgen topraqlarda bir sıra energetika obyekti söne”, Or Qapı ast stantsiyası Qırımnıñ energetik sistemasınıñ esas tüyümlerinden biri, dep qoştı.
Rusiye kontrolindeki Qırım akimiyeti bu darbeler aqqında bildirmedi. Noyabrniñ 22-si aqşam ve noyabrniñ 23-ne keçer gecesi Qırım ve Aqyarda Rusiye ava mudafaasınıñ sesleri ve patlavlar eşitildi, dep bildirildi.
Noyabrniñ 23-nde saba Rusiye Mudafaa nazirligi Qırım yarımadasında tüşürilgen 10 dron ve Qara deñizde 30 dron aqqında haber etti. Anda bir delil berilmedi, seslendirilgen malümatnı alternativ menbalarda tasdıqlamaq imkânsız ola.
2022 senesinden başlap yarımadağa er kün ücüm ete, çoqusı allarda Rusiye Mudafaa nazirligi ya da Rusiye akimiyeti arbiy obyektlerge ücüm etilgenini tasdıqlamay.