"Daa üç ukrayin balasını evine qaytarıp oldıq. Balalarnıñ qaytarılması ile bağlı iş devam etecek", - dep yazdı ombudsman Telegramda.
Resmiy malümatqa köre, 2022 senesi fevralniñ 24-nden 2023 senesi iyülniñ 31-i itibarınen Ukrayinadan Rusiyege 19 546 bala sürgün etilgen ve bu tek resmiy şekilde qayd etilgen malümat.
Rusiye bala aqları vekâletlisi Mariya Lvova-Belova büyük cenk başlanğan soñ Ukrayinadan Rusiyege 700 biñden çoq bala sürgün etilgenini bildirdi.
Martnıñ 17-nde Halqara ceza mahkemesiniñ Başlanğıç mahkeme palatası Rusiyeniñ Ukrayinağa qarşı cenki köntekstinde eki insan içün tevqif orderini çıqardı. Bular Rusiye prezidenti Vladimir Putin ve Rusiye prezidenti yanında bala aqları vekâletlisi Mariya Lvova-Belova. Olar Ukrayinanıñ işğal etilgen topraqlarından ealiniñ (balalarnıñ) qanunsız sürgün etilmesi ve ealiniñ (balalarnıñ) qanunsız şekilde Rusiyege köçürilmesi kibi cenk cinayetlerini yapqanı ile şubeli sayılalar.
Ukrayina Baş prokurorı ofisi Halqara ceza mahkemesiniñ qararını alğışladı ve "Ukrayin ve bütün halqara uquq sisteması içün tarihiy" dep adlandırdı.
Evel Kremlde Gaagadaki Halqara ceza mahkemesini ve onıñ yurisdiktsiyasını tanımaycaqlarını bildirgen ediler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.