Ukrayina Mudafaa nazirliginiñ Baş istihbarat idaresi, keçken ay içtimaiy ağlardaki saifelerinde video derc etip, ilhaq etilgen Qırımda Rusiye arbiy trenlerine ücüm etilgenini bildirdi.
Beyanatqa köre, ücümler "Prımarı" bölüginiñ dronları tarafından yapılğan.
"2026 senesi Çeçek ayında keçirilgen ameliyat çerçivesinde GUR mahsus hızmetçileri 5 darbe endirdi - duşmannıi yük trenleriniñ areketi vaqtında lokomotivler ve sisternalar zarar kördi. Duşman olarnı arbiy tehnika ve yaqıt taşımaq içün qullana edi", — dep aytıla haberde.
Ne vaqıt ve ne yerde darbe endirilgeni aqqında malümat berilmedi. "Krımskiy veter" telegram-kanalı yerli sakinlerge atıf eterek bildire ki, yayınlanğan videoda donlar Vadim-Canköy-Kerç stansiyası demiryol hattındaki trenlerge ücüm ete. Bu malümatnıñ daa bir tasdıqlanması kerek.
Cenk şaraitlerinde Mudafaa nazirliginiñ Baş istihbarat idaresi tarafından derc etilgen kadrlarnıñ doğrulığını teşkermek qıyın. Rusiye akimiyeti ve arbiyleri bu haberni izaatlamadı.
2022 senesinden başlap Qırım yarımadasınıñ territoriyasına aman-aman er kün pilotsız uçaq ve raketalar ücüm ete. Çoqusı allarda Rusiye Mudafaa nazirligi ya da Rusiye akimiyeti, bu malümatnı tasdıqlasa bile, arbiy obyektlerge zarar ketirilgenini tasdıqlamay.