Ukrayina Mudafaa nazirliginiñ Baş istihbarat idaresinde FSB-nıñ yarımadanıñ Rusiye reberligine suiqast azırlağan Baş istihbarat idaresi agentleriniñ Qırımda yaqalanması ile bağlı bildirüvini izaatlamaycağını bildirdiler.
Ukrayina Mudafaa nazirliginiñ Baş istihbarat idaresiniñ temsilcisi Andriy Yusov ukrayin haber vastalarına izaat berir eken, bu bildirüvge FSB-nıñ malümat ve psihologik ameliyatı dedi.
Yusovnıñ fikrince, Rusiye rejiminiñ Ukrayina ve ukrayin mahsus hızmet organlarından qorqqanı aşkârdır.
"Ve qorqqanları doğrudır, çünki bütün arbiy cinayetleriniñ cezası mıtlaqa olacaq. Olar içün eñ telükesiz yol öz isteginen Ukrayina adeletine teslim olmaqtır", - dedi o.
Mayısnıñ 3-nde Rusiye Federal Telükesizlik Hızmetiniñ hadimleri Ukrayina ve Rusiyeniñ bir qaç vatandaşınıñ yarımadanıñ Rusiye reberligine qarşı suiqast azırlağanını bildirgen edi. Rusiye haber vastalarınıñ malümatına köre, Viktor Podvalnıy, Aleksandr Litvinenko, Sergey Krivoşein, Konstantin Yevmenenko, İgor Zorin ve Sergey Voynarovskiy yaqalanğan.
Olarnıñ Sergey Aksönov, Vladimir Konstantinov ve Yanina Pavlenkoğa suiqast azırlağanları iddia etile. FSB bu gruppanıñ Ukrayina Mudafaa nazirliginiñ Baş istihbarat idaresi tarafından teşkil etilgenini bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.