Ukrayina telükesizlik hızmeti ve Ukrayina mudafaa quvetleriniñ uzaq mesafeli dronları büyük istilâ başlağanından Rusiye arbiy uçaq alanlarına qarşı eñ büyük ücümni kerçekleştirdi, dep bildirdi Azatlıq Radiosına uquq qoruyıcı organlarındaki menba.
Laf Voronej, Kursk, Savasleyka ve Borisoglebsk ava limanları aqqında kete.
Menba «mahsus planlaştırılğan operatsiya» olğanını tasdıqlap, duşman cebege ve Ukrayina şeerlerine darbe endirmek içün bu uçaq alanlarını qullanamasın dep yapıldı.
Avgustnıñ 14-nde saba bir qaç Rusiye regionınıñ akimiyeti Ukrayina dronlarınıñ kütleviy ücümi aqqında bildirdi. Uçucısızlarnıñ darbeleri aqqında malümat Voronej, Nijegorod, Orlov ve Rostov vilâyetlerinden keldi. Yerli saifeler Borisoglebsk, Baltimor ve Savasleyka arbiy uçaq alanlarında patlavlar aqqında yazdı.
Rusiye Mudafaa nazirligi ava mudafaa vastaları dört taktik raketa ve 117 uçaq çeşitli uçucısıznı yoq etti, dep bildirdi. Arbiy uçaq alanları aqqında bir şey aytılmay.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.