İyulniñ 23-ne keçer gecesi Rusiye arbiyleyeri Ukrayinağa "İskander-M" ballistik raketası, işğal etilgen Qırımdan beş H-59/69 idare etilgen aviatsiya raketası ve 168 dronnen ücüm etti, dep haber etti Ukrayina Silâlı quvetleriniñ Ava küçleri.
"İlk malümatqa köre, 07:30-ğa qadar ava mudafaası memleketniñ şimali, cenübi ve şarqında Shahed, Gerber, Italmas ve diger dronlar olğan 154 duşman uçucısızını eki H-59/69 idare etilgen atsiatsiya raketasını tüşürdi ya da bastırdı. Doquz yerde ballistik ve üç aviatsiya raketası, yedi darbe uçucısızınıñ ücümi ve dört yerde parçalarnıñ tüşmesi qayd etildi", – dep haber ete Ukrayina arbiyleri.
Rusiye arbiyleri Ukrayina regionlarına muntazam sürette ücüm ete, çeşit silâ qullana – uçucısız, raketa, KAB, reaktik toplu atış sistemaları.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tasnif ete ve olarnıñ maqsadı bar, dep qayd ete.
İnsanlarnı elektrik energiyası, sıcaq, su, bağ, tibbiy yardım ve yaşayış içün diger kerekli şaraitlersiz qaldırmaq içün eali yaşayışını teminlev sistemaları ve sağlıq müessiselerine qarşı ateşler genotsid areketleriniñ alâmetlerini taşıy.
Rusiye reberligi Rusiye ordusı büyük cenk vaqtında Ukrayinanıñ şeer ve köylerinde vatandaş infrastrukturasına qarşı darbe endirgenini, vatandaşlarnı öldürgenini ve hastahane, mektep, bala bağçaları, energetika ve suv obyektlerini yıqqanını inkâr ete.