Ukrayina Mudafaa nazirliginiñ Baş istihbarat idaresiniñ arbiy hızmetçileri avgustnıñ 24-nde Rusiye Federatsiyasınıñ Voronej vilâyetinde yerleşken silâ anbarına "muvafaqiyetli ateş açtılar". Bunı müessiseniñ matbuat hızmeti bildire.
"BK anbarı RF Silâlı quvetleriniñ "Ğarp" ordu gruppirovkasına ait edi. Arbiy obyektniñ territoriyasında işğalcilerniñ top ve tank mermileri, atıcı silâ ve "yer-ava" sınıfı raketaları içün patronlar, umumen beş biñ tonnadan ziyade silâ saqlanıla edi", — dep aytıla haberde.
Ukrayina istihbaratınıñ malümatına köre, zarar körgen anbarda patlav devam ete.
Rusiye akimiyeti bugün bildirdi ki, Rusiye Federatsiyasınıñ Voronej vilâyetiniñ Ostrogojsk rayonında uçaqsuz uçaqlarnıñ ücümleri neticesinde silâ anbarı yanıp patladı.
Rusiyeniñ Ukraнinağa tam miqyaslı istilâsı başlağan soñ, Rusiye regionları muntazam surette arbiy dronlarnıñ ücümlerine oğray. Rusiye Mudafaa nazirligi, ücümler Ukraнina tarafından yapılğanını iddia ete. Kшyiv bu haberlerge izaat bermey.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.