Ukrayina arbiy istihbaratı, bu sınıf katerleri Rusiye flotu ve mahsus hızmetleri tarafından çoq maqsatlı hızmet gemileri olaraq, akvatoriyanı devriye keçirmek, diversantlarğa qarşı küreşmek, em de qıdıruv-qurtaruv ameliyatları içün qullanıla, dep bildire.
"Tezlik katerleriniñ modifikatsiya etilgen versiyalarında esas ştat silâsı 14,5 mm kalibrli pulemöt qurulışı ile uzaqtan idare etilgen arbiy moduller yerleştirildi. Bundan da ğayrı, "Mangust" gemisinde rusiyelilerniñ eki AGS-17 avtomatik granatomötı, DP-64 elge qarşı granatomçtı ve "İgla" ya da "İva" tipindeki eki PZRK bar", — dep bildirdi GUR.
Olar, yoq etilgen qayıqnıñ fiyatı 3 million dollarğa yaqın olğanını da qoştılar.
Rusiye Mudafaa nazirligi mayısnıñ 6-na keçken gecesi Qırımğa arbiy uçaqlarnıñ ücüm etkenini tasdıqladı. "Qara deñiz flotunıñ quvetleri Qırım yarımadasınıñ şimaliy-ğarbiy yalısı rayonında ekipajsız beş katerni yoq etti", — dep bildirdiler müessisede.
Muarririyetniñ Rusiye Mudafaa nazirliginiñ beyanatını tasdıqlağan mustaqil malümatı yoq.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.