Ukrayina Silâlı Quvetleriniñ arbiyleri Mıkolayiv vilâyetiniñ Snigirivka şeeriniñ azat etilmesi aqqında bildirdiler. Bu, Rusiye komandanlığınıñ Dnipro özeniniñ sol yalısına keri çekilüv aqqında qararını ilân etkende oldı.
Sentâbr ayında keçirilgen sahte referendumdan evel Rusiye akimiyeti Snigirivkanıñ Herson vilâyetiniñ terkibine kirsetilmesini ilân etken edi, yani bu şeer resmiy olaraq rusiye territoriyası sayılır.
Ukrayina ordusınıñ 131-nci istihbarat batalyonı video yazıp, şeerniñ noyabrniñ 10-nda azat etilmesi aqqında haber etti.
Şeerniñ azat etilmesi aqqında malümatnı yerli sakinler tasdıqladı, amma telükesizlik sebebinden adları gizlengen.
İngulets özeniniñ yalısında yerleşken Snigirivka şeeri rusiye ordusı tarafından martnıñ soñunda işğal etildi. Bu meskün yerniñ strategik emiyeti bar.
Noyabrniñ 9-nda Rusiyeniñ Ukrayinadaki işğalci quvetleriniñ komandanı general Sergey Suvorkin Rusiyeniñ mudafaa naziri Sergey Şoyguğa Herson vilâyetindeki ordunı Dnipronıñ sol yalısına çekmge teklif etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.