Sentâbrniñ 2-nde gece ve saba Rusiye arbiyleri Kıyiv, Sumı ve Harkiv vilâyetlerine ballistik, qanatlı ve zenit idare etici raketalarnı qullanıp darbe endirdi, em de Cenübiy yöñelişten "Şahed" tipindeki pilotsız uçaqlarnen ücüm etti, dep bildire Ukrayina Silâlı quvetleri.
Ukrayina arbiyleriniñ malümatına köre, zenit raketa ordularınıñ bölükleri, Ukrayina Arbiy quvetleriniñ Ava quvetleriniñ radioelektron küreş vastaları, em de Ukrayina mudafaa quvetleriniñ mobil ateş gruppalarınıñ esapları neticesinde şular urıp tüşürildi:
–9 İskander-M/KN-23 ballistik raketa;
– 13 X-101 qanatlı raketa;
– 20 "Şahed-131/136" tipindeki dron.
Bundan da ğayrı, Ukrayina Mudafaa quvetleriniñ faal qarşılıq kösterüvi neticesinde bir X-101 qanatlı raketa ve üç ücüm UAV öz maqsadlarına irişip olamadı ve lokatsiyada ğayıp oldılar. Malümat talil etile. İşler Kıyiv, Harkiv, Dnipropetrovsk, Poltava, Mıkolayiv ve Zaporojjâ vilâyetlerinde alıp barıldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.