Rusiye tarafından ilhaq etilgen Qırımnı azat etmek içün Keriç köprüni yoq etmek kerek, çünki bu "logistika elementidir", dep bildirdi jurnalist Natalya Moseyçukqa bergen intervyüsında Ukrayina Arbiy deñiz quvetleriniñ komandanı Aleksey Neyçappa.
"Qırım köprü — istilâcı içün çalışqan logistika zıncırıdır, ve o zararsızlandırılmalı. Bunıñ içün böyle bir nişan bar, çünki bu yolnen berilgen şeyler, bu qadar olmasa da, işğalci ordularnıñ temin etüv zıncırı olıp qala. Bu arbiy nişan ve öyle qala", — dedi o.
Neijpapa qayd etti ki, "yeñmek içün Rusiyeniñ bütün arbiy logistikanı yoq etmek kerek".
Bundan da ğayrı, o, ukrayinlerge "Qırımdaki arbiy obyektlerden mümkün olğanı qadar uzaq turmaqnı" tevsiye etti.
"Ukrayinalılar, özüñizge muqayt oluñız, biz qaytırmız ve er şeyni öz yerine qoyarmız", — dep qayd etti o.
Keriç köprü işğal etilgen Qırımnı Rusiye Federatsiyasınıñ territoriyasınen birleştire. Rusiye akimiyeti tarafından strategik dep adlandırılğan naqliyat keçiti ücüm telükesi sebebinden sıq-sıq qapalı qala. 2022 senesi oktâbr ayında anda patlav yüz berdi. Daa bir patlav 2023 senesi iyülniñ 17-nde köprüde oldı. Rusiye akimiyeti ve quvetçileri patlavlarda ukrain mahsus hızmetlerini qabaatladı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.