Rusiye ordusı qara qış ayınıñ 28-nde Hersonnıñ Dniprovsk rayonındaki hastahanege ücüm etti, dep haber ete şeerniñ arbiy idaresiniñ başı Yaroslav Şanko.
Berilgen malümatqa köre, 45 ve 55 yaşındaki tibbiyet hadimleri yaralandılar
Aleksandr Prokudinniñ aytqanına köre, tünevin Rusiyeniñ top atuvları çoq qatlı binağa, 10 hususiy evge, memuriy binağa, gaz borusına ve naqliyatqa zarar ketirgen. Kün devamında Herson vilâyetiniñ bir sakini elâk oldı, üçü yaralandı.
Ukrayina sağlıq nazirliginiñ malümatına köre, 2026 senesiniñ qara qış ayı devamında Rusiyeniñ ücümleri 817 tibbiyet müessisesinde 2551 obyektke zarar ketirdi. Hususan, 125 müessiseniñ 327 obyekti bütünley yoq etildi.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.