Ukrayina ükümeti devlet sıñırından keçüv qaidelerini yañarttı, dep bildirdi baş nazir Yuliya Svırıdenko.
Onıñ aytqanına köre, 18 yaşından 22 yaşına qadar erkekler cenk vaziyeti vaqtında devlet sıñırından maniasız keçecek.
«Bu qarar çeşit sebeplerden çetelde olğan vatandaşlar içün de keçerli. Ukrayinalılar Ukrayinanen mümkün olğanı qadar bağda qalsın isteymiz», – dep yazdı o, Telegram kanalında.
Svırıdenko deñişmeler ükümet qararı resmiy şekilde derc etilgen soñ ertesi künü işke tüşürilecek, dep qoştı.
Ukrayina İç işler naziri İğor Klımenko bu qararnıñ maqsadı – birinciden yaş ukrayinalılarğa tasil, iş, çetelde resmiy iş içün daa keniş imkânlar bermek, alğan tecribeyeleri Ukrayina inkişafı içün qullanıla bilsin dep.
Avgustnıñ 12-nde Ukrayina prezidenti Volodımır Zelenskıy ükümetke arbiy komandanlıqnen beraber genç ukrayinalılar içün devlet sıñırından qolaylaştırılğan keçişni yapmağa emir berdi, dep bildirgen edi. Şimdi 18 yaşından soñ çıqmağa yasaq etile. Zelenskıy bu raqamnı 22 yaş yapmağa teklif etken edi.
Rusiyeniñ Ukrayinağa qarşı büyük silâlı istilâsı başlağan ve memlekette cenk vaziyeti ve umumiy seferberlik ilân etilgen soñ 18 yaşından 60 yaşına qadap erkeklerniñ çetelge çıqması sıñırlandı.