Ukrayina Silâlı quvetleri, Mıkolayiv vilâyetiniñ Kinburn belinde Ukrayina devlet bayrağınıñ tiklenüvi aqqında bildirdiler.
"Cenübiy territorial mudafaa quvetleriniñ" regional idaresi haber etkenine köre, Ukrayin arbiyleri "küçlü ateş neticesinde işğalcilerni tutqan yerlerinden çekilmege mecbur etti".
Ukrayina Silâlı quvetleri, Rusiye ordusınıñ sağ qalğan şahsiy erkânı tahliye etile, dep bildire, olar mudafaa sıñırlarını terk ete.
Muarririyet bu haberni mustaqil olaraq tasdıqlap olamay.
Rusiye tarafı bu beyanatnı izaatlamadı.
İlk yaznıñ başında Cenkni ögrenüv institutınıñ (ISW) talilcileri yazğanları kibi, Rusiye arbiy komandanlığı Kınbur belşnden ordusını çıqarmaqta, çünki Ukrayin kampaniyası Rusiye teminlev yollarına orta mesafeli darbeler endirip, bu yerde mudafaa telükesizligini daa da kerginleştire.
Bundan evel Cenübiy mudafaa quvetleriniñ spikeri Vladislav Voloşin Azatlıq Radiosınıñ tefsirinde Rusiye arbiyleri Kinburn yarımadasını Dnipro-Bug limanınıñ qarşı yalısındaki meskün yerlerni ateşke tutqan platsdarmğa çevirgenini añlattı. Bu ücümlerden Oçakov şeeri ve qomşu meskün yerler defalarca zarar kördi.
Kinburn beli bugünge qadar Rusiye ordusından azat etilmegen Mıkolayiv vilâyetiniñ soñki qısmı edi.