Ukrainada ve çoqusı memleketlerde mayısnıñ 8-nde Hatıra ve barışuv künü qayd etilmekte. 1945 senesi şu künü Almaniya Ekinci cian cenkinde teslim olğanını ilân etti.
Ukraina Yuqarı Radası bu künni 2015 senesi aprelniñ 9-nda dekommunizatsiya siyasetini kerçekleştirüv çerçivesinde belgiledi. Sovetler zamanında «1941-1945 seneleri Ulu Vatan cenkinde ğalebe künü» olaraq belgilengen mayısnıñ 9-nı ise Ekinci cian cenkinde natsizmni yeñüv künü olaraq qayd etmege qarar alındı.
Ukraina prezidentniñ buyruğına köre, mayısnıñ 8-ni qayd etüv maqsadı «Ukraina halqınıñ qaramanlığını, Ekinci cian cenkinde Gitlerge qarşı birleşmeniñ ğalebesine qoşqan büyük issesini lâyıq bir şekilde qutlamaq ve natsizmge qarşı küreşken er keske ürmet bildirmektir». Hatıra timsali qırmızı haşhaş ola.
2004 senesi mayısnıñ 8-i BM Baş Assambleyasınıñ Hatıra ve Barışuv künü olaraq belgilendi.
Rusiye işğal etken Qırımda 2014 senesinden soñ «Zafer künü» sovet ve Rusiye bayramı Qızıl Ordu ve sovet halqınıñ natsist Almaniyanı yeñgen bayramı olaraq qayd etilmekte.