Ukrainada fevralniñ 20-nde Sema Yüzü Qaramanları kününde Menlik İnqilâbınıñ elâk olğan iştirakçilerini añma tedbirleri keçirilecek. Kyivde ve Ukrainanıñ bir çoq regionında añma tedbirleri ötkerilecek, dep bildire Azatlıq Radiosı.
Kyivde saba menlik yürüşi ve Maydanda atıp öldürilgenlerni añma tedbiri olacaq, aqşam üstü ise Prezident ofisi ögünde Sema Yüzü qaramanlarını añma aktsiyası olacaq, teşkilâtçılarınıñ aytqanına köre, «Ukrainanıñ Maydan maqsadları içün cebede alâ daa cenkleşkenini» hatırlatmaq içün yapalacaq.
Soñki künleri Ukrainada Maydanda öldürilgenler resmiy seviyede añıla. 2014 senesi fevralniñ 18-nden 20-ne qadar Kyivniñ merkezinde yüzden çoq kişi elâk oldı, eñ çoq insan fevralniñ 20-nde atıp öldürildi. Narazılıq aktsiyasınıñ elâk olğan iştirakçilerini «Sema yüzü» dep adlandırıp başladılar. Elâk olğanlar arasından ondan çoq uquq qoruyıcı da bar edi.