Ukraina TİN Rusiyeniñ arbiy deñiz talimlerini manaçıq etip, "Qara ve Azaq deñizleri suvlarınıñ bir qısmını ve Keriç boğazını qapatmaq" qararına qatiy narazılıq bildirdi. Muvafıq beyanatnı feralniñ 10-nda Ukraina TİN-niñ matbuat hızmeti yayınladı.
"Talimlerniñ keçirilecek meydanı eki deñizde gemiler qatnavını aman-aman imkânsız alğa ketirir. Söz, ilk nevbette Ukraina limanları içün mürekkep iqtisadiy ve içtimaiy neticelerge sebep ola bilecek halqara gemiler qatnavınıñ emiyetli derecede esassız mürekkepleştirilmesi aqqındadır", - dep yazıla bildirmede.
"RF-nıñ Ukrainağa qarşı bu kibi melez cenkiniñ bir qısmı kibi bu tür tecavuziy areketler qabul etilmez. Olar halqara uquqnıñ qaidelerine ve baqışlarına, hususan da BMT Nizamnamesine, BMT Baş Assambleyasınıñ qararlarına ve BMT-niñ Deñiz uquqı Şartnmesine açıq-aydın sayğısızlıqnı numayış ete", - dep qoştılar TİN.
Malümatqa köre, Ukraina Rusiye tarafınıñ bu kibi areketleriniñ "kerekli qıymet ve cevap almasını" temin etmek içün ortaqları, ilk nevbette Qara deñiz bölgesi memleketleri ile birlikte çalışacaq.