Ukraina TİN, avgustnıñ 17-nde yarımadanıñ türlü köşelerinde qırımtatarlarnıñ evlerinde Rusiye telükesizlik quvetleriniñ keçirgen tintüvlerine qarşı qatiy narazılıq bildirdi. Olarnıñ fikrince, bunıñ sebebi avgustnıñ 23-ne planlaştırılğan «Qırım platforması» sammitidir
Muvafıq beyanat Tış işler nazirliginiñ saytında yayınlanğan.
«Rusiye Federatsiyası qırımtatar halqınıñ riayetkâr olmağan temsilcilerini taqip etmek ve qorqutmaq, din serbestligini bastırmaq, yarımadadan tamır qırımtatar halqını sıqıştırıp çıqaraq içün ken öz basqıcı apparatını qullana. Halqara uquq qaidelerine köre, Rusiye Fedeartsiyası işğalci devlet olaraq yerli halqqa qarşı siyasiy basqılarnı toqtatmaq kerek», – dep yazıla beyanatta.
Nazirlikte, Rusiye BMT Baş Assambleyasınıñ qararını yerine ketirmek kerek olğanını qayd ettiler.
«Rusiyeden bugün yaqalanğan beş adamnı ve qanusız sürette tutulğan bütün Ukraina vatandaşlarını deral azat etmege talap etemiz. Dünya toplulığını Qırım sakinleriniñ aq ve serbestliklerini qorçalamağa ve Rusiyege tazyıqnı quvetelştirmege davet etemiz. Mezkür qanunsız tintüvlerni "Qırım platforması"nıñ inaguratsiya sammitiniñ arfesinde provokatsiya kibi sayamız», – dep qoştılar nazirlikte.
Your browser doesn’t support HTML5
«Книги подкинули, адвоката не пустили»: в Крыму прошли новые обыски у крымских татар
«Qırım birdemligi» cemaat birleşmesiniñ faalleri, avgustnıñ 17-nde saba qırımtatrlarnıñ evlerinde keçirilgen tintüvlerden soñ beş insan yaqalanğanını bildireler.
Aqyarnıñ Nahimov rayonında FSB hadimleri Rustem Murasov ve Rustem Tairov,Aqyarnıñ Balıqlava rayonında Cebbar Bekirov, Bağçasaray rayonında Zaur Abdullayev, Aqmescit rayonında Raif Fevziyevni yaqaladı.
Faallerniñ malümatına köre, Cebbar Bekirov, Zaur Abdullayev ve Rustem Tairovnıñ evlerinde tintüvler Aqyarnnı Lenino rayon mahkemesiniñ qararı ile keçirildi.
Raif Fevziyevniñ evinde keçirilgen tintüvge avdokat Edem Semedlâyevni yibermegenler. Advokatnıñ malümatına köre, imam Rusiye CQ 205.5 maddesine binaen qabaatlana.
Ukraina Tış işler naziriniñ birinci muavini Emine Ceppar avgustnıñ 17-nde qırımtatarlarnıñ evlerinde keçirilgen tintüvlerge cevap berdi. O buña devam etken «qorqutuv siyaseti» dedi.
Ukraina Yuqarı Radasınıñ insan aqları vekâletlisi Lüdmila Denisova, avgustnıñ 17-nde qırımtatarlarnıñ evlerinde keçirilgen tintüvlerge qarşılıq kösterdi.
Ukraina prezidenti Volodımır Zelenskıy, Rusiye telükesizlik quvetleriniñ avgustnıñ 17-nde yarımadanıñ türlü köşelerinde qırımtatarlarnıñ evlerinde keçirgen tintüvlerge "insan aqlarınıñ qaba şekilde bozuluvı"dedi.
Qırımdaki Rusiye qanınun qoruyıcı organlarnı vaziyetni tefsir etmeyler.