Ukraina yerastı mahzenlerinde gaz yedekleroniñ kölemi 20 mlrd kubtan aştı. Bunı Facebook saifesinde Naftogaz başı Andriy Kobolev yazdı, dep haber ete Radio Svoboda.
O, bu, keçken seneden 4 mldr çoq ve soñki 9 yılda eñ büyük köstergiç, dep qayd etti.
“Er astında gaz yeterli ve bu qışta Rusiye tranzitni toqtatacaq olsa da, ukrainalılarnı gaznen teminlemek içün gazımız olacaq”, – denile beyanatta.
Avgustnıñ soñunda "Naftogaz Ulkraina" şirketi, "isitüv mevsimini energetik tevekkelligisiz keçirmek içün, mevsimden evel eñ azından gaznıñ 20 milliard metr kubnı toplamaq kerek", dep bildire edi.
Ukrainada isitüv mevsimi tahminen oktâbrniñ 15-inde başlanacaq.