Almaniyada Ukraina elçisi Andriy Melnık, Azat etilgen ukrainalı rejissör ve qırımlı yazıcı Oleg Sentsov Berlinge kelip çıqqanını bildire.
"Yañıçıq Oleğ Sentsovnı Berlinde qarşıladım! Qaramanımız ilk seferini tamam Alamaniyağa yapqanı timsaliydir. Ögde - Bundestag mebuslarınen, matbuatnen ve Oleğnıñ GULAGtan azat etilmesi içün küreşkenlernen körüşüvler olacaq", - yazdı Melnik öz Twitterinde bir saat evel.
Breaking news: щойно зустріли Олега Сенцова в аеропорту Берліна! Символічно, що свій перший після звільнення візит наш Герой здійснює саме до Німеччини. Попереду - насичена програма зустрічей з депутатами Бундестагу, 🇩🇪ЗМІ, а також тими, хто боровся за визволення Олега з 🇷🇺гулагу pic.twitter.com/YJ9bUKQ9Pz
— Andrij Melnyk (@MelnykAndrij) 25 сентября 2019 г.
Daa evel, Sentsov Avropağa barıp, Rusiyede tutulğan siyasiy mabüsler içün aytacağı bildirile edi.
2018 senesi oktâbrniñ 25-nde Sentsovğa Avropa parlamentiniñ «İfade serbestligi» içün Saharov mukâfatı berildi.
Sentâbrniñ 7-nde deñişim çerçivesinde rusiyeliler tutqan 35 ukrainalı Ukrainağa qayttı, Rusiyege Ukrainada çeşit cinayetlerde, şu cümleden Vatanğa hainlik yapqanında qabaatlanğan 35 Rusiye ve Ukraina vatandaşı teslim etildi. Oleg Sentsov, Oleksandr Kolçenko, Volodımır Baluh, Edem Bekirov, Yevğen Panov, Pavlo Ğrıb, Stanislav Klıh, Mıkola Karpük, Roman Suşçenko, Artur Panov, Oleksiy Sizonovıç ve 2018 senesi noyabrde zapr etilgen 24 deñizci azat etildi.