Ukrainada iyünniñ 28-nde memleketniñ esas qanunı – Anayasa Künü qayd etile.
Ukraina prezidentiniñ ofisi Twitterde bildirgenine köre, bugün Bankovayada saksofoncı Vladimir Spirinniñ kontserti ötkerilecek. Tedbir saat 19:00-da başlaycaq.
Приходьте завтра, 28 червня, до головного входу Офісу Президента України по справжню естетичну насолоду. Цього святкового дня на запрошення команди Володимира Зеленського для вас гратиме всесвітньо відомий саксофоніст-віртуоз Володимир Спірін. Виступ розпочнеться о 19:00. pic.twitter.com/Jum0FbalQ7
— Офіс Президента (@APUkraine) 27 июня 2019 г.
1996 senesi iyün ayında Yuqarı Rada deputatları Ukraina Anayasasını qabul etken edi. Mustaqil memleket ilân etilgeninden beş yıl keçken edi. Millet vekilleri iyünniñ 27-nden 28-ne keçer gecesi çalıştı – toqtamayıp 23 saat devamında. Rey berüvde 315-i «ebet» dedi. Ukraina Anayasası künü – Ukrainanıñ devlet bayramıdır. Er yıl iyünniñ 28-nde Ukraina Anayasası qabul etilgen künü munasebetinen qayd etile.
Anayasağa köre, Ukraina – suveren ve mustaqil, içtimaiy ve uquqiy devlettir. Ukraina – unitar devlettir, onıñ sıñırları bütün ve toqunılmazdır. İnsan, onıñ ayatı ve sağlığı, namusı ve itibarı, toqunılmazlığı ve telükesizligi Ukrainada eñ yüksek içtimaiy qıymet dep sayıla.
Ukrainanıñ devlet tili ukraince ola.
Ukraina prezidenti devlet suvereniteti, Ukrainanıñ topraq bütünligi, Ukraina Anayasası, insan ve vatandaş aqları ve serbestligine riayet etüvniñ kefilidir.