Türkiye Tış işler naziri Hakan Fidan Ukrayina cenkinde yañı vaziyetniñ peyda oluvını red etmey.
Tış işler naziri Hürriyet gazetasına bergen intervyüsında «er eki tarafnıñ da yorğunlığı 2025 senesi yañı vaziyetniñ peyda oluvına ketire bilecegini» qayd etti.
«Vaziyetni körecekmiz», – dedi Fidan.
Onıñ aytqanına köre, «er eki taraf da bu esnasta yeñilgen olaraq çıqqan körünmek istemey».
«Cenkniñ Ukrayinanıñ topraq bütünligi çerçivesinde adil bir çezüv tapılmaq kerek», – dep qayd etti nazir.
Oktâbrniñ 16-nda Yuqarı Rada toplaşuvında Ukrayina prezidenti Volodımır Zelenskıy Ukrayinanıñ Rusiyenen cenkte ğalebe qazanması aqqında teklif etken planınıñ maddelerini taqdim etti. O, beş açıq maddeden ve bir qaç gizli tekliften ibaret. Prezidentniñ aytqanına köre, birinci madde – Ukrayinanı NATOğa davet etmek.
Sentâbr ayında Rusiye Tış işler nazirligi Moskva Barışıq sammitinde iştirak etmeycegini bildirip, «bu esnasnıñ çezüvnen bir alâqası yoq», dep qayd etti.
Sentâbrniñ 24-nde Ukrayina prezidenti BM Havfsızlıq şurasında çıqışta bulunıp, Putin «bir çoq halqara qaideni bozdı, özü toqtamaycaq, Rusiyeni barışıqqa ancaq mecbur etile bile», dep ayttı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.