Türkiye prezidenti Recep Tayyip Erdoğan fevralnıñ başında Ukrainağa kelecegi aqqında bildirdi. Bunı, o, yanvarnıñ 20-nde matbuat konferentsiyası vaqtında bildirdi.
Erdoğannıñ aytqanına köre, o, tezden Ukraina ve Rusiye prezidentleri toplapmağa ümü etek eken.
"Kelecek aynıñ başında Ukrainanı ziyaret eyecegim. Ümüt etemiz ki, bölgede sulh üküm sürer", - dedi Türkiye prezidenti.
Evel, Türkiye prezidenti Recep Tayyip Erdoğan Ukraina ve Rusiye devlet başları Volodımır Zelenskıy ve Vladimir Putin ile telefonnen laf etti ve ekisini de Türkiyede bir körüşüv keçirmege davet etti.
Daa evel, Türkiye Cumhuriyetiniñ prezidenti Recep Tayyip Erdoğan «Putin ile yapqan er körüşüvde» «Türkiyeniñ Qırımnıñ işğaline qarşı olğanını» ayta, dep bildirdi. Bu aqta Türkiye lideri Arnavutlıq ziyareti vaqtında jurnalistlerge ayttı, dep bildire «Anadolu» haber agentligi.
2021 senesi Birleşken Milletlerde Türkiye prezidenti memleketiniñ Qırım ilhaqını tanımağanını tekrarladı. Kreml, Erdoğannıñ Qırım lafları onıñ Rusiye ziyaretine tesir etmeycek, dep bildirgen edi.
Erdoğan, Türkiye «Rusiye ve Ukraina munasebetleriniñ kerginleşüvini toqtatmaq içün issesini qoşmağa azır», dep bildirgen edi.
2021 senesi noyabrniñ 26-nda Ukraina prezidenti Volodımır Zelenskıy Kyiv Türkiye prezidenti Recep Tayyip Erdoğan vastasınen Vladimir Putinge Ukraina azat etilüvini beklegen ukrainalı siyasiy mabüslerniñ cedvelini berdi, dep bildirdi. Kreml Zelenskıynıñ aytqanlarını tefsir etmedi.