Türkiye Mariupol mudafaasınıñ komandanlarını qaytarmaq içün Kyivge bir şart qoymadı. Bu aqta Ukrayınanıñ Türkiye elçisi Vasıl Bodnar Azatlıq Radiosınıñ «Svoboda.Ranok» leyhası yayınında ayttı. Aynı vaqıtta, onıñ aytqanına köre, Ankarağa bu tedbir kerek, çünki Türkiye halqara alanda yerini quvetleştire.
«Arbiylerimizniñ qaytarıluvınen bağlı bir şart qoyulğanını bilmeyim. Aksine, Türkiye tarafı içün bir fırsat, esnasnıñ devam etmesi içün yahşı hızmet köstere. Bu esnasta onıñ rolü, ebet, müim. Onıñ reytingleri arta. Bu tek Ukrayına tarafına yahşı bir areket, dep tüşünmeyik. Türkiyeniñ Rusiye tarafı ile bağları da sertleşe», – dedi Vasıl Bodnar.
Bodnar Ukrayına komandanlarını azat etüv muzakereleri bir qaç ay devam etti, dep ayttı. Bu esnasqa «bütün diplomatik avangard» celp etildi.
«Azırlıq işleri bir qaç ay devam etti. Prezident Erdoğannen tek ziyaret vaqtında laf etmedi, telefon de açtı, mümkün olğan er yerde laf yürsetildi», – dedi Bodnar.
İyülniñ 8-nde belli olğanına köre, «Azovstal» mudafaasını idare etken Ukrayına komandanları Rusiye esirliginden azat etilip ketirilgen Türkiyeden Ukrayınağa qayta. Kreml «Azovstal» komandanlarınıñ Türkiyeden Ukrayınağa qaytqanını «esirlerni deñişüv añlaşmalarınıñ bozuluvı» dep adlandırdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.